PHULLEN & THANGLAILUNG WELFARE LO PIAN DAN

Phullen & Thanglailung Welfare hruaitute 2018-2020

Phullen & Thanglailung Welfare Aizawl lo pian dan hi thui tak sawi tur a awm a, a tirah chuan Phullen Welfare Committee Aizawl tih a ni thin a.

 Kum 1981 January ni 21 a Phullen a Pu Laldenga, Thlan siamnaah Prof. JV Hluna leh khawchhuak mi engemaw zat Aizawl atangin an kal a. Hemi ni January 21, 1981 hian YMA Phullen Branch hruaitu (Hmarchhak Entu Editorial Board) te leh Prof. JV Hluna te chu Bahzar venga Pu Lalthanpuia Inah an inkawm a.

Chu inkawmhonaah chuan Pu K.Lalthlengliana chu Chairman niin inkhawm a kaihruai a. YMA hruaitute chu - Pu H. Lalnunsiama BA, High School teacher te, Pu R. Lalrohluna YMA President te, Pu Lalbula Primary School Teacher te, Pu Lalthanpuia te an ni a.

Phullen khawtlang hmasawnna tur nia an hriatte uluk tak leh lungrual takin an sawiho a. Chutih lai chuan, Phullen atangin englai pawhin Aizawl dawr a harsa si a. Chuvangin a tul anga khawtlang aiawh a office te lo dawr tur leh engkim a lo finchhuah thin turin Aizawl ah Phullen Welfare Committee din ni se an ti ta a.

Chu thu bawhzui chuan Aizawl lama Phullen khawchhuakte Prof. JV Hlunate, Pu C.Lianzama leh Pu S.Rotluanga ten January 28, 1981 khan an sawiho leh a. Phullen Welfare din chu duh viau mahse, Aizawl lama hruaitu thlan chu a buaithlak deuh dawnin an hria a, Phullen lama khawtlang hruaitu, Kohhran leh pawl hrang hrang hruaituten YMA kaihhruainain Phullen Welfare hruaitu turte chu ruat mai turin an ti ta a.

Tichuan, YMA Phullen Branch kaihhruainain, tualchhung pawl hrang hrang hruaitu thahnem takte chu ni 2.2.1981 khan Pu Khuangchhana In, Phullen ah an inhmukhawm ta a. Hetiang hian Phullen Welfare Aizawl hruaitu hmasa ber turte chu an ruat ta a:

1.      Chairman               :           Pu C. Lianzama

2.      Vice Chairman      :           Pu S. Rotluanga

3.      General Secretary  :           Pu John V. Hluna

4.      Asst. Secretary      :           Pu Dohmingthanga

5.      Treasurer               :           Pu Lalthawmmawia  

                                    

Kum a lo vei zel a, Phullen Welfare Committee Aizawl hruaitu turte chu, khawtlang hruaitu (YMA) ten ruat tawh loin, member ten thlang ve tawh se tiin Welfare chuan a rel a. Ni 24.1.2015 (Inrinni) khan a vawikhat nan Assembly ah Welfare hruaitu tur thlan a ni ta a, chuta thlanchhuahte chu:

1.      Chairman               :           Pu Lalbiakdanga

2.      Vice Chairman      :           Pu Lalrammawia

3.      Secretary               :           Pu R. Lalrohlua

4.      Asst. Secretary      :           Pu Thanhmingliana

5.      Treasurer               :           Pu K. Lalngaihawma

6.      Fin. Secretary        :           Pu Lalbuatsaiha

Tin, March ni 11, 2015 khan Thanglailung Welfare Aizawl chu a lo ding ve leh ta a. Phullen leh Thanglailung hi VC hran ni mah ila, khaw khat ang reng kan ni a, khawchhuak pawh thuhmun vek kan ni a lawm tiin Phullen Welfare Committee leh Thanglailung Welfare hruaitu Joint Committee te chuan a hranga awm lova infin an rel leh ta a. 

Tichuan, 25^th February, 2018 khan Phullen Welfare Committee leh Thanglailung Welfare te chu inchhunfinin, a hming pawh Phullen & Thanglailung Welfare, Aizawl tih a lo ni ta a. Welfare pahnih inchhunfin kan nih angin, a hma a Phullen welfare atangin mi 3 leh Thanglailung welfare atangin mi 3 hruaitu tur thlan chhuah phawt ni se tiin committee in a rel a. Tichuan, Phullen & Thanglailung Welfare Aizawl tih a nih hnu a General Assembly hmasa ber March ni 24, 2018 a BS Farm Aizawl a neih chuan heng mite hi hruaitu atan a thlang chhuak a.

1.    Pu Lalrammawia                     Phullen Welfare                      Ramhlun North          

2.    Pu K. Lallawmthanga             Thanglailung Welfare              Ramthar veng

3.    Pu K. Lalhmachhuana            Thanglailung Welfare              Ramthar veng

4.    Tv PC Ramdinthara                Phullen Welfare                      Armed veng

5.    Tv J. Lalnunzira                      Thanglailung Welfare             Tuithiang veng

6.    Pu Lalbuatsaiha                       Phullen Welfare                      Tuikhuahtlang

Phullen & Thanglailung Welfare Aizawl  elected Office Bearers meeting hmasa ber chuan, hetiang hian Office Bearers te chanvo siamin, hruaitu pawimawhte chu mawhphurhna a pe bawk a:

1)      Chairman                    :       Pu Lalrammawia                        Ramhlun North          

2)      Sr Vice Chairman       :       Pu Lalbiakdanga                         Ramhlun South          

                                                                     Pu C. Lalbiakliana                      Saron veng   

                                                                     Pu R. Kapkhuma                         Dawrpui vengthar      

3)      Vice Chairman           :        Pu K. Lallawmthanga                 Ramthar veng

4)      Secretary                    :        Pu Lalbuatsaiha                           Tuikhuahtlang

5)      Asst Secretary            :        Tv. J. Lalnunzira                         Tuithiang      

6)      Treasurer                    :        Tv. PC Ramdinthara                   Armed Veng

7)      Finance Secretary       :        Pu K. Lalhmachhuana                Ramthar veng

8)      Joint  Secretary          :        Pu R. Lalrohlua                           Mission veng          

                                                                     Pu C. Lalzarmawia                      Ramhlun vengthar     

9)      Information Secy       :        Tv Lallawmawma                       Dawrpui       

Phullen & Thanglailung Welfare, Aizawl hian Aizawl a khawchhuak awmte chu, chhiat thatah te leh thil dang dangah, a theih ang anga intawiawm tawn thinin, chak takin a kal a. Tin, Phullen leh Thanglailungin kawng hrang hranga hma a sawn theih nan, theih tawp chhuahin hma a la thin a ni.

Buata Bawihtlung

Secretary

Phullen & Thanglailung Welfare, Aizawl

15^th August, 2018